Milani siguroi mbrëmjen e djeshme kualifikimin në gjysmëfinale pas fitores minimale ndaj Interit.
Derbi i zhvilluar në San Siro ndërmjet dy rivalëve të mëdhenj në Itali përfundoi me rezultat 1 me 0 në favor të skuadrës së Gennaro Gattussos.
Anësori Suso, i cili asistoi në golin e realizuar nga Patrick Cutrone (104′), është lojtari me notën më të lartë të ndeshjes. Sulmuesi spanjoll është vlerësuar me notën 7.9 për paraqitjen e tij solide ndaj “Nerazurrëve”.
Me notë të lartë te skuadra nikoqire është vlerësuar edhe Antonio Donnarumma (7.7), Giacomo Bonaventura (7.5) dhe Patric Cutrone (7.5).
Nota më e dobët e ndeshjes është 6.5 dhe lojtarët e vlerësuar me këtë notë janë Lucas Biglia, Manuel Locatelli, Antonio Candreva, Joao Mario.
