Kardiologu i mirënjohur, Mihal Tase i ftuar në emisionin “Kjo Javë” në News 24 teksa fliste për pandeminë e koronavirusit tha se të sëmurët me zemër janë të rrezikuar nga ky virus dhe se në pavionin e tij janë marrë masa për t’i këshilluar pacientët.
“Këshilla specifike është që të bëjnë kujdes për sëmundjen që kanë. Ka mundësi ta pësojnë nga vetë patologjitë e zemrës se sa nga COVID 19. Ne kemi përgatitur disa materiale për mjekun e familjes, që flasin për sëmundjet e zemrës, insuficensën kardiake, hipertensionin. Jemi përpjekur t’i sqarojmë shenjat e rëndimit të sëmundjes. Në pavion nuk kam pasur raste me covid 19”,- tha mjeku.
Ai pranoi ndër të tjera se kjo sëmundje ka shumë të panjohura, por ka edhe fakte që tregojnë se në vendet ku është kryer ndër vite dhe ka qënë I detyruar vaksinimi për turbekulozin , edhe COVID është më pak agresiv.
“Covid ka shumë të panjohura, në disa vende ku është bërë BSG ka më pak përhapje, kemi rastin e Portugalisë dhe Spanjës shumë afër njëtra-tjetrës por në Spanjë mortaliteti dhe të prekurt janëshumë më të lartë. Spanja ndryshe nga Portugalia e ka future vonë këtë vaksinë. Vaksina e turbekulozit nuk mbron vetëm nga turbekulozi. Në itali ajo është bërë e detyrueshme pas viteve ‘80.. Ne jemi ndër vendet që e kemi bërë gjatë gjithë kohës, po ashtu edhe disa vende të tjera të lindjes”,- tha ai.
Mjeku u shpreh ndër të tjera se distancimi social I detyruar pas COVID 19 sjell problemE edhe per ekonominë, prandaj është shumë e vështirë të gjesh një mesatare. “Sa i përket deklaratave për imunitetin e tufës, duhet të dimë që numri i të sëmurëve është më i madh se sa dimë, por larg teorisë së të krijuarit të imunitetit të tufës”,- shtoi mjeku i mirënjohur.
Ai tha ndër të tjera se edhe teoria që I nxehti e vret virusin, bie, pasi rastet janë shfaqur edhe në Afrikë.
“Rëndësi ka që njerëzit të mos krijojnë panik. Njerëzit kanë jetuar në të gjithë historinë e njerëzimit me pandemi. Nuk është një gjë që nuk kalohet”,- tha Tase.
