Numri i personave të shëruar nga koronavirusi në Serbi vijon me rritje të shpejtë, ku janë mbi 1000 persona që kanë fituar betejën kundër pandemisë.
Ndërsa gjatë 24 orëve të fundit janë raportuar edhe 4 viktima të tjera duke e çuar numrin total në 134.
Ministri i Shëndetësisë në vend, Zlatibor Loncar njoftoi se gjatë kësaj periudhe janë kryer 3,821 teste, prej të cilave 224 kanë rezultuar pozitiv.
Gjithsej në të gjithë Serbinë numërohen 7,114 të infektuar.
Drejtori i Klinikës së Sëmundjeve infektive, Dragan Stevanovic paralajmëroi se nuk do të ketë hapësirë për lehtësimin e masave izoluese.
Vetëm nëpërmjet këtyre masave dhe seriozitetit nga ana e qeverisë dhe e stafit mjekësor, është arritur në njëfarë mënyrë dhe kontrolli i pandemisë.
Gjithashtu, Stevanovic shprehet se për 2 javë të tjera nuk do të ketë lehtësim të masave.
