Gazetari investigativ, Artan Hoxha ka komentuar ‘armëpushimin’ mes kryeministrit Edi Rama dhe presidentit Ilir Meta.
Në një shënim në facebook Hoxha shprehet me ironi se ka një merak që të shohë videot që kreu i shtetit Meta premtoi se do të publikonte dhe ‘luftën’ e tij ndaj kapjes së Kushtetutës nga Rama.
“Na falni, ashtu siç është një muhabet …RESPEKTE… Vetëm një merak kam unë, çfarë u bë me ata provat dhe videot përvëluese që na u premtuan se do publikoni për “Grushtin e Shtetit” dhe për kapjen e kushtetutave?!
Po ai hetimi parlamentar për shkarkimin e Metës, në çfarë sirtari sanitaresh ka përfunduar?!
Po mua hëngra superhetimin për Dvoranin, çfarë do bëhet tani?! Uuuuu, se mu kujtua, më prezanton Dvorani, kaq e pat?!
Do ta hajë tani, si pako me llokume, që krushqit i bëjnë dhuratë njëri-tjetrit, para se të shikoni pëlqimin e krushqisë,“-shkruan Hoxha. (TemA)
