Kryeministri Edi Rama deklaroi se ndër pyetjet më të vështira për të, që deri më tani nuk ka ende një përgjigje konkrete është plani për turizmin, një ndër sektorët më të rëndësishëm të ekonomisë, përballë krizës të shkaktuar nga COVID-19, edhe me mbylljen e kufijve.
Në një intervistë për ‘News24’ kreu i qeverisë tha se këtë pyetje e mendosh çdo ditë, madje shkëmben informacione edhe me homologët e tij, ndërsa theksoi se kjo është një situatë nga e cila nuk dihet se çfarë vjen pas. Sipas Ramës, tashmë mundësia për Shqipërinë ngelet turizmi i brendshëm, (lokal).
“Kjo është pyetja më e vështirë. Është pyetja që ja bëj vetes çdo ditë në mëngjes, dhe gjatë gjithë ditës ka momente kur kërkojë të dinë se ça bëjnë të tjerët. Edhe me kolegë të tjerë, kryeministra komunikojë. S’kam përgjigje. Është një situatë ku askush nuk di se ça vjen prapa. Sido qoftë ministri i Turizmit po punon me grupin e tij, me specialistë të OBSH për të kuptuar se çfarë do ndodhi. Gjeja më provabël është se ky sezon nëse do këtë turizëm, do të jetë një sezon atipik, ku turizmi do të jetë i brendshëm. Për Shqipërinë është mirë se shumë të pasur që mezi presin që tua hypin jahteve dhe të shkojnë në vendet të shtrenjta, do zbulojnë Shqipërinë, dhe bukitë e vendit dhe do një pjesë, jo të gjitha të atyre që kishin menduar të shpenzonin. Kjo do ndihmojë shoqërinë, ekonominë. Ne hyjmë tek vendet që ankohemi se do vdesim për bukë dhe shpenzojmë më shumë për turizëm jashtë. Turizmi i brendshëm është më provabël. Se kemi të qartë. Por bashkë me majin do të vijnë trazira. Ne jemi të kërkuar, telefonuar nga 2-3 vende të BE, nuk po përmend emra, që agjenci turistike e shohin Shqipërinë të sigurt, pasi e shohin dhe masat ndaj COVID. Kjo është e përhoshmë. Nuk e di sa ju ndihmova. Por këtu është stadi i përgjigjes time. Është si ato biznese që do të hapen javës tjetër. Është me portokalli.”, -pohoi kryeministri.
