Kryeministri Edi Rama reagon pas videos së publikuar nga kreu i PD në Fier, Luan Baçi, ku shfaqeshin një numër i madh qytetarësh, të cilët po prisnin të merrnin ndihmat, që po shpërndahen si pasojë e situatës së krijuar nga koronavirusi.
Kryeministri shkruan në “Twitter” se është e turpshme nxitja e komunitetit rom për të inskenuar shfaqje të rrezikshme për jetën nga ish-deputetë të caktuar.
Sipas Ramës, demokratët po përdorin romët si mish për top për të thënë se ja kështu u shpërndakan ndihmat në Fier e gjetkë.
“E turpshme nxitja e komunitetit rom për të inskenuar shfaqje të rrezikshme për jetën nga ish-deputetë të caktuar, që paturpësisht gënjejnë publikun, duke pērdorur romët si mish për top për të thënë se ja kështu u shpërndakan ndihmat në Fier e gjetkë #Çnjerëzore”, shkruan Rama.
E turpshme nxitja e komunitetit rom për të inskenuar shfaqje të rrezikshme për jetën nga ish-deputetë të caktuar, që paturpësisht gënjejnë publikun, duke pērdorur romët si mish për top për të thënë se ja kështu u shpërndakan ndihmat në Fier e gjetkë #Çnjerëzore
— Edi Rama (@ediramaal) April 14, 2020
