Eksperti i Organizatës Botërore të Shëndetësisë, Merkur Beqiri ka paralajmëruar rritje të frikshme të të infektuarve me Covid-19 në Kosovë.
Teksa 79 raste të reja me Covid janë raportuar brenda ditës, ai ka thënë se koha mesatare e dyfishimit të rasteve me koronavirus në Kosovë është shkurtuar në afërsisht një javë.
Përmes një grafiku të përditësuar, të skenareve të parashikimit të përhapjes së koronavirusit, ka paralajmëruar se duhet shtuar kujdesi, pasi sipas tij do kemi dyfishim të rasteve përafërsisht për çdo javë.
“Koha mesatare e dyfishimit të infeksioneve në Kosovë ra sot më keq në 6.8 (Nga 9.3 ditë dje )
Kjo dmth që potencialisht do kemi dyfishim të rasteve përafërsisht për çdo javë … nëse nuk ndryshon diçka ose te virusi, ose te ne.
Virusin nuk mund ta ndryshojmë, por tek vetvetja mund të ndikojmë, poashtu edhe tek njerzit rreth nesh.
Thërrasim për vigjilencë, vetëdije, konsideratë për vete, për familje, për komunitet dhe për të gjithë popullin”, tha ai.
