Padyshim heronjtë e këtyre ditëve aspak të zakonta dhe të vështira janë ata që vazhdojnë të qëndrojnë në linjën e parë të detyrës dhe i shërbejnë atyre që kanë nevojë.
Të konsideruar e duartrokitur si heronj, mjekët shqiptarë që sot po bëjnë te pamundurën të mundur duhet vetem te mbështeten e asnjëherë të sulmohen.
Portretet e tyre flasin vetë.
Me sy të nxirë nga lodhja e jo pakherë të trishtuar, historitë e mjekëve që qendrojnë brenda Infektivit janë prekëse e shkojnë pertej kësaj, kur në rrefimet e tyre shprehen se kanë që prej fillimit të “luftës” me Covid-19 pa takuar fëmijët e familjarët e tyre.
AlpeNews.al me anë të fotove, sjell disa prej heronjve veshur me bluza të bardha që në vijën e parë të rrezikut luftojnë çdo ditë për të shpëtuar jetë e që vështirë ti numërohen sot, 10 orë gjumë bashkë.
Falenderime!
Najada Çomo
Shefja e Spitalit Infektiv në QSUT, Najada Çomo ka zgjedhur të qendrojë larg mediave por në krye të të gjithë operacionit.
Në mesazhet që jep për qytetarët lodhja është e dukshme e megjithatë bashkë me të edhe forca.
Pëllumb Pipero
Mjeku i Infektivit, i palodhur si brenda spitalit ashtu edhe në pergjigjet një nga një për qytetarët e mediat. E sigurt është se kur të mbaroi gjithçka, Pipero do të mbahet mend gjatë si mjeku që u mor “personalisht” me Covid-19 në Shqipëri.
Tritan Kalo
Mjeku i njohur infeksionist Tritan Kalo, gjithashtu në frontin e parë të luftës. Ka zgjedhur të flasë pak, por saktë e i prerë gjithmonë duke i dhene qytetarëve 10 këshilla për të kaluar situatën.
Ermira Muco, Esmeralda Meta, Arjan Harxhi
Tre mjekët e Infektivit të veshur kokë e kembe me pajisjet mbrojtëse ndaj Covid-19.
Entela Kolovani
Entela Kolovani ka shërbyer si mjeke për 23 vjet në spitalin e sëmundjeve infektive në Tiranë, Shqipëri. Ndonëse vijon luftën në vijen e parë të rreziut, Kolovani shprehet se heronjtë e vërtetë janë infermierët.
Në foto: Nevila Gjermeni, Entela Kolovani dhe Ergys Ramosaco
Entela dhe Ergysi janë çift dhe kanë një djalë 10-vjeçar Johanin, të cilin nuk e takojnë prej ditësh dhe e kanë çuar të qëndrojë me tezen e tij. Ndërkohë që Nevila Gjermeni, në kohën kur nuk ndodhet në spital pranë të sëmurve nga Covid19-ta, qëndron në hotel, e shkëputur nga dy fëmijët e saj të vegjël dhe familjarët e tjerë.
Ada Luca
Ana Luca la postin e administratores së spitalit polivalent në QSUT dhe u vendos pranë kolegëve të saj për të perballuar luftën me armikun e padukshëm.
Amarildo Sina
“Fjalëpak dhe punëshumë” ishte përshkrimi i Najada Çomos për mjekun Sina, pamjet e së cilit nuk kanë nevojë për shumë koment.
AlpeNews.al
