Vaksina anti-Corona mund të jetë gati që në shtator, tha një profesore që drejton ekipin e studimit të vaksinave për virusin COVID-19 në Universitetin e Oksfordit.
Sarah Gilbert tha se ajo është “80 përqind e sigurt” se vaksina e zhvilluar nga ekipi i saj do të jetë e suksesshme, shkruan The Times.
Ekipi i saj në Oksford është pjesë e një përpjekje globale për të gjetur vaksinën e virusit koronar që ka lënë më shumë se 100,000 njerëz të vdekur në të gjithë botën deri më tani, tha Universiteti Johns Hopkins.
Gilbert tha që testimi njerëzor do të fillojë në dy javët e ardhshme dhe se ajo punon shtatë ditë në javë për të gjetur një vaksinë efektive.
“Unë mendoj se ka një shans të mirë,” i tha ajo Times-it.
“Ndërsa çdo javë kalon, ne kemi më shumë informacion për të studiuar. Unë mendoj se probabiliteti për të qenë i suksesshëm është 80 përqind”.
Ajo shtoi se do të ishte e mundur që vaksina të ishte gati deri në vjeshtë, nëse gjithçka shkonte sipas planit.
