Republika Çeke është vendi i parë në Europë që detyron me ligj të gjithë qytetarët të mbulojnë fytyrën kur janë jashtë shtëpisë për tu ruajtuar nga koronavirusi.
Një masë e tillë ishte marrë në fillim të shkurtit dhe nga një rajon i largët rus në kufi me Kinën.
Tashmë në Çeki me një urdhër të 19 marsit kërkohet që të gjithë qytetarët të kenë një veshje mbrojtëse mbi gojën dhe hundën. Ata që nuk e zbatojnë këtë rregull do të gjobiten, deri në $815.
“Obligimi për të vënë diçka mbi gojën e hundën kur je jashtë është mëse i nevojshëm, për mbrojtjen e vetes dhe të të tjerëve”, tha minsitri çek i shëndetësisë Adam Vojtěch.
Politika e maskave në Çeki shkon kundër rekomandimeve të OBSH dhe autoriteteve shëndetësore amerikane që thonë se këtë duhet ta bëjnë vetëm të sëmurët, kryesisht për të sigurur furnizmin me maska për punonjësit e shëndetësisë.
Por autoritetet çeke thonë se qytetarët duhet t’i prodhojnë vetë ato në kushte shtëpiake nga bluza ose shalle.
Çekia ka konfirmuar rastin e parë me koronavirusi më 1 mars, ndërsa deri dje vendi kishte 2,062 raste koronavirusi e 9 vdekje.
