Industrialistët dhe shkencëtarët francezë kanë njoftuar se do të fillojnë të prodhojnë një lloj të ri maske, e cila do të jetë në gjendje të përdoret 100 herë pa zëvendësim.
Maska do të ofrohet me një çmim të shitjes me pakicë prej rreth 30 euro.
Do të quhet “Ocov” dhe është një lloj maskë P1 ose P2 që përfshin pjesë fleksibël që mbulojnë hundën, gojën dhe mjekrën, si dhe filtra të heqshëm.
Midis studiuesve dhe ekspertëve të përfshirë në projekt janë punonjës të Michelin-it të famshëm dhe Qendrës për Energji Atomike dhe Alternative (CEA), të cilët themeluan një kompani të re të quajtur VOC-Cov.
Ouvry, një kompani me qendër në Lyon, e specializuar në pajisjet e sigurisë, është zgjedhur të industrializojë dhe tregtojë maskën e saj.
CEA vuri në dispozicion burimet e saj shkencore dhe kërkimore ndërsa Michelin është përgjegjës për zhvillimin e maskës prototip.
Një seri provë prej 5.000 maska tashmë është në ndërtim e sipër dhe pjesët e para priten javën e ardhshme.
Eshtë planifikuar që nga maji, nëse seria e provës të ketë sukses, do të prodhohen rreth një milion maska në javë, dhe deri në fund të qershorit pesë milion në javë (ekuivalent me prodhimin e 500 milion maskave të disponueshme). Deri më tani, janë rezervuar 130,000 copë.
