Figura e mjekut më shumë se kurrë ka marrë vlerësime gjatë këtyre ditëve, edhe pse në kohë “paqje”, duhet thënë se shpesh herë është përbaltur.
Në një lidhje me emisionon “Provokacia” mjeku i njohur Pëllumb Pipero, u pyet nëse ndjehet në radhët e bluzave të bardha ky vlerësim.
“Patjetër që e ndjejmë shumë dhe i falenderoj të gjithë, dhe ato që na kanë paragjykuar le të na e bëjnë gjyqin, sot ndoshta nuk është dita më e mirë.
Ne nuk jemi herojn por nuk duam të biem dhe dëshmorë, ne detyrat po bëjmë dhe ajo është shumë fisnike por ne nuk do të dëshironim kurrë të vinte kjo e keqe që të dilnin në pah vlerat e mjekëve, humanizmi por dhe vetëmohimi do të thoja.
Gjithsesi le të besojmë fort se pas kësaj pandemie dhe gjëme që ka pushtuar botën, jo perceprimi por gjykimi të jetë ndryshe për mjekun.”