Arrestohet një 19-vjeçar nga Tirana i cili tentoi të vidhte një kioskë në Fier.
E. S., 19 vjeç, banues në Tiranë ka shfrytëzuar situatën e krijuar nga COVID 19 dhe orët e vona të natës për tentativën e tij që ka dështuar pasi është kapur në kohë nga forcat policore.
NJOFTIMI I POLICISË:
Specialistët për hetimin e krimeve në Komisariatin e Policisë Fier, në vijim të punës për parandalimin e vjedhjeve dhe zbardhjen e atyre të ndodhura më parë, parandaluan një tjetër tentativë vjedhje duke arrestuar në flagrancë shtetasin:
E. S., 19 vjeç, banues në Tiranë.
Arrestimi i këtij shtetasi u bë pasi gjatë orëve të vona të natës, në lagjen”15 Tetori”, Fier, është kapur në flagrancë nga patrulla e policisë duke tentuar të vjedhë me thyerje kioskën në pronësi të shtetasit H. J.
Gjithashtu nga hetimet e kryera, ky shtetas rezulton të jetë autor i dyshuar i vjedhjes së baterisë dhe dokumentave të automjetit në pronësi të shtetasit R.L.
Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje” dhe “Vjedhje e mbetur në tentativë
