Një shpërndarës kokaine në Vlorë ka përfunuduar në prangat e Policisë ditën e sotme. Në automjet atij ju gjetën 45 doza kokainë teksa ju sekuestrua mjeti dhe aparati celular.
I arrestuari M.B, shpërndante kokainë në sasi të vogla teksa u kap nga Policia në rrugën kryesore të Bulevardit ”Ismail Qemali” në qytetin bregdetar.
NJOFTIMI NGA POLICIA
Vlorë
Finalizohet operacioni antidrogë “Porcion”, për goditjen e shpërndarjes së drogave të forta.
Operacioni, nga Seksioni për Hetimin e Narkotikëve në DVP Vlorë.
Sekuestrohen dhjetëra doza me lëndë narkotike kokainë.
Në vijim të punës intensive për parandalimin dhe goditjen e veprimtarisë kriminale në fushën e narkotikëve, specialistët për Hetimin e Narkotikëve në DVP Vlorë goditën një tjetër rast të shprëndarjes së drogave të forta në doza të vogla.
Mbi bazën e informacioneve të marra në rrugë operative se një shtetas në lagjjen “Isa Boletini”, me automjetin e tij dyshohej se shpërndante lëndë narkoitke, specialistët kanë organizuar dhe finalizuar operacionin policor “Porcion”, në kuadër të të cilit, në rrugën kryesore të Bulevardit “Ismail Qemali”, Vlorë, u kap dhe u arrestua në flagrancë shtetasi M. B., 32 vjeç, banues në Vlorë.
Nga kontrolli i ushtruar në automjetin e këtij shtetasi, Policia ka gjetur të fshehura 45 doza lëndë narkotike të dyshuara të llojit kokainë, të cilat u sekuestruan në cilësinë e provës materiale, së bashku me automjetin dhe një aparat celular.
Materialet iu referuan Prokurorisë, për veprime të mëtejshme, për veprën penale “Prodhimi dhe shitja e narkotikëve”.
(BalkanWeb)
