Zinxhiri gjerman i supermarketeve ”Aldi” po dërgon trena në Itali për t’u siguruar që Gjermania të ketë makarona, mjaftueshëm për të kaluar periudhën e pandemisë së koronavirusit.
“Disa trena specialë kanë sjellë më shumë se 60 000 pako makarona ‘fusilli’, më shumë se 75 000 pako makarona tip ‘penne’ dhe më shumë se një çerek milion pako ‘spaghetti’ nga Italia në Nuremberg”, tha ”Aldi” në një deklaratë.
”Schenker”, dega logjistike e operatorit shtetëror hekurudhor të Gjermanisë, ”Deutsche Bahn”, ka marrë tashmë më shumë se 200 tonë makarona në rreth 300 paleta.
Kompania thotë se është bërë më e vështirë për të importuar makarona dhe sende të tjera.
”Një tjetër shpërndarje me më shumë se 250 paleta tashmë është duke shkuar për në Gjermani”, shtoi ai.
Një zëdhënës për ”Schenker” tha se kishin filluar bisedimet me ”Aldi”-in rreth mundësive për t’i shndërruar dërgesat speciale të trenave një normalitet.
