Masat për të frenuar pandeminë e koronavirusit ka të ngjarë të shkaktojnë një rënie me 15% në prodhimin ekonomik të Britanisë së Madhe në tre muajt e ardhshëm, pasi vendi po hyn në recesionin më të thellë që nga kriza financiare e vitit 2008.
Javën e kaluar qeveria britanike vendosi një shtetrrethim dhe pritet të forcojë masat këtë javë, pasi një këshilltar i lartë shëndetësor paralajmëroi se numri i viktimave mund të arrijë deri në 20 000.
“Ekonomia në Britaninë e Madhe do të hyjë në recesionin më të thellë që nga kriza financiare, përfshirë rënien më të madhe në aktivitetin ekonomik që prej fillimit të të dhënave të krahasueshme të regjistruara”.
“Parashikimi për një rënie me 15% të PBB-së në tremujorin që nis më 30 qershor supozon se kufizimet për bizneset dhe popullsinë do të vazhdojnë deri në tremujorin e tretë, pasi testimi bëhet më i disponueshëm, duke ndihmuar në identifikimin dhe izolimin e pikave të infeksionit në mënyrë më efikase”, njoftoi Qendra për Ekonominë dhe Kërkime të Biznesit.
