Pas shfaqjes së COVID 19 në Shqipëri të gjitha linjat e fluturimit u pezulluan. E vetmja linjë është ajo me Turqinë.
Aeroporti është boshatisur.
As në sportelet në hyrje dhe dalje nuk ka njeri.
Të paktë janë udhëtarët në këtë terminal. Të vetmit janë ata që ose presin të udhëtojnë drejt Turqisë ose janë kthyer prej andej.
Me shfaqjen e COVID 19 në vendin tonë, shumë shtetas shqiptare mbeten jashtë territoreve tona, ndërsa prej ditësh tashmë kërkojnë të kthehen në Shqipëri.
Deri me tani Ministria e Jashtme ka informuar se disa vende kanë shtyrë afatin e lejeve të qëndrimit dhe qytetarët nuk do të penalizohen, por ka nga ato vende, ku shqiptarët duhet të aplikojnë online për këtë.
