Jose Mourinho dhe Manchester United nuk janë të interesuar të nënshkruajnë me francezin, Antonie Griezmann
Sulmuesi i Atletico Madridit, Antonie Griezmann që një kohë të gjatë është në listën e Manchester Unitedit.
Por, Marca shkruan se në muajt e fundit Unitedi ka hequr dorë nga shërbimet e tij dhe nuk do të tentojë as verën e ardhshme.
Lojtari nuk po pëlqehet nga trajneri Jose Mourinho, i cili kështu ia ka lënë rrugën e lirë Barcelonës që të nënshkruaj me të.
Katalonasit e duan francezin për sezonin e ardhshëm dhe janë të gatshëm të paguajnë mbi 100 milionë euro.
Griezmann nuk është dëshira e vetme e tyre, pasi në listën e Barcelonës është edhe ylli i Liverpoolit, Philippe Coutinho. /Express/
