Nebi Ismaili, 43 vjeçari që humbi jetën ditën e djeshme nga koronavirusi, ishte i martuar dhe baba i dy vajzave.
Nebiu nga Kavaja, që u nda nga jeta në spitalin infektiv pasi nuk ia doli dot në luftën me koronavirus, ishte një djalë i qeshur.
Të gjithë e mbajnë mend ashtu dhe në rrjetet sociale shprehin pikëllimin për ndarjen e tij nga jeta në mënyrë të parakohshme.
Pa asnjë sëmundje tjetër shoqëruese, Covid-19 nuk pyeti për moshën e tij të re.
Në 9 mars, Nebiu ka udhëtuar nga Italia, së bashku me të atin dhe u shtrua menjëherë tek infektivi pasi iu shfaqen simptomat e para.
Bashkëshortja dhe dy vajzat e 43 vjeçarit kanë kryer ditën e sotme testin për COVID-19, pasi kanë qenë në kontakt me viktimën.
Ato do të presin deri në daljen e rezultatit të analizave për të kuptuar nëse janë të infektuar ose jo. /Newsbomb.al
