793 persona me koronavirus kanë humbur jetën gjatë 24 orëve të fundit në Itali. Ndërkohë kemi 4821 raste të reja me COVID 19.
2857 persona po kurohen në terapi intensive, në gjendje kritike për jetën. Mbi 17 mijë pacientë po kurohen në struktura spitalore dhe mbi 22 mijë në kushte shtëpiake. Dita e sotme regjistron një lajm pozitiv, ku numri i të shëruarve është mbi 900.
Në total që prej shpërthimit të ekipdemisë së koronavirusit në Itali janë regjistruar 53578 të infektuar dhe 4825 vdekje.
Në Lombardi, siç raportohet nga Këshilltari për Mirëqenie, Giulio Gallera, pacientët e shkarkuar në orët e fundit nga spitalet janë 2.139. Numri i përgjithshëm i vdekjeve rritet në 3.095, nga të cilat 546 në 24 orët e kaluara. Në total janë 25.515 pacientë pozitivë, 3,251 më shumë sesa të Premten.
Janë 8.258 të shtruar në spital, me një rritje prej 523, të cilëve duhet të shtohen 1,093 persona të shtruar në shërbim të kujdesit intensiv. Gallera tha gjithashtu se pacienti 1 do të shkarkohet brenda orëve të ardhshme