Qeveria e Kosovës nuk ka pritur të ketë raste me Covid 19 të identifikuara për të vendosur mbylljen e linjave me vendet fqinje dhe masat e tjera izoluese.
RTK raporton se në mbledhjen e jashtëzakonshme, qeveria ka vendosur që procesi mësimor të pezullohet në të gjitha shkollat e Kosovës deri në 27 mars 2020.
Po ashtu është marrë vendim edhe për pezullimin e të gjitha linjave ajrore. Ashtu si Shqipëria, Kosova ka nivel të lartë emigracioni, sidomos në Gjermani e Zcicër.
Po ashtu qeveria vendosi vetë-karantim të të gjithë personave që hyjnë në Kosovë nga vendet që është përhapur koronavirusi.
“Në Kosovë akoma nuk kemi asnjë të konfirmuar më koronavirus. Por duke marrë parasysh situatën në vendet fqinjë në mbledhjen e jashtëzakonshme qeveria ka vendosur që të marren masa paraprake.
Ndër këto masa janë: ndërprerja e procesit mesimor në të gjitha nivelet deri me 27 mars 2020. Pezullimi i linjave ajrore. Kontrolli kufitarë në të gjitha pikat kufitarë. Vetëkarantim i detyruar i të gjithë qytetarëve të Kosovës që hyjn nga vendet e prekura.
Të gjitha aktivitetet publike do të zhvillohen të mbyllura pa praninë e publikut. Ndalohet veprimtaria e klubeve të natës, palestrave pas orës 19:00. Të gjitha institucionet private e publike të marrin masa me dezinfektim për parandalimin e virusit”, raporton RTK.
Më poshtë mund t’i lexoni të gjitha masat që ka aprovuar qeveria e Kosovës si parandalim për koronavirusin:
Ndërmarrja e procesit edukativo arsimor dhe institucioneve arsimore publike dhe private në të gjitha nivelet deri më 27 mars 2020.
Pezullohet përkohësisht linja e udhëtimit ajror dhe tokësor.
Kontroll i detyruar i udhëtarëve nga ekipet mjekësore të QKMF’vë në të gjitha hyrjet dhe daljet e Kosovës me mbështetje të PK-së.
Vetëkarantim i detyruar për të gjithë qytetarët që hyjnë në Kosovë nga zonat epidemike me rrezik të lartë dhe të mesëm.
Aktivititetet publike dhe jo publike mund të zhvillohen të mbyllura pa praninë e publikut.
Të ndalohet veprimtaria e restoranteve, klubeve të natës, palestrave, pishinave pas orës 23:00.
Të ndalohet eksporti i pajisjeve, materialeve dhe medikamenteve mjekësore nga ana e operatorëve ekonomik dhe prodhuesve, përveç me Vendim të Qeverisë.
Të gjitha institucionet qeveritare, si dhe ndërmarrjet publike dhe private detyrohen të ndërmarrin masa për mbrojtje dhe dezinfektim në të gjitha institucionet sipas udhëzimeve nga Ministria e Shëndetësisë, të cilat kanë të bëjnë me masat e përforcuara higjienike.
Të gjitha ndërmarrjet publike dhe kompanitë privatë që kryejnë transport publik të udhëtarëve, detyrohen të bëjnë dezinfektim të rregullt të mjeteve transportuese.
Të ndalohet transporti i organizuar ndërkombëtar (autobus, minibus dhe të ngjashme) drejt vendeve me rrezik të lartë dhe anasjelltas.
