Me vendim të qeverisë së drejtuar nga kryeministri Conte në Itali në 14 provinca me 16 mln qytetarë është ndaluar lëvizja, hyrja dhe dalja. Megjithatë nga zonat me rrezik të kuq në Itali nuk janë ndërprerë fluturimet drejt Shqipërisë, vijon lëvizja e njerëzve.
Në faqen zyrtare të TIA-as njoftohet për tre fluturime të anuluara drejt Italisë, një në Romë dhe dy në Milano. Por burime të sigurta për Report Tv nga Autoriteti i Aviacionit Civil Shqiptar pohojnë se anulimi i këtyre tre fluturimeve nuk ka asnjë lidhje me koronavirusin dhe shkak është zgjedhja e kompanisë për arsye operacionale.
