Dy persona janë arrestuar në pikën e kalimit kufitar me Greqinë, pasi tentuan që të trafikojnë drejt vendit fqinj 1 kg e 28 gr lëndë kokainë. Të arrestuarit janë drejtuesi i makinës tip “Mercedes-Benz” me drejtues I. F. 40 vjeç dhe pasagjer B. H. 49 vjeç, të dy banues në Korçë.
Policia thekson se goditja e rastit të trafikut u bë në bazë të analizës së riskut dhe shkëmbimit të informacioneve. Pas verifikimeve dhe kontrollit të ushtruar në makinën tip ‘Benz”, punonjësit e Policisë Kufitare kanë vijuar me kontrollin fizik ndaj dy personave.
Si rezultat i kontrollit fizik, 49-vjeçari me inicialet B. H. iu gjet e fshehur në trup një pako e presuar me lëndë narkotike kokainë me peshë 1028.2 gr, sasi e cila iu sekuestrua në cilësinë e provës materiale.
