26 festa “7 Marsi” nuk janë shumë në karrierën e një mësueseje, por për Majlinda Kormidhën, mësuesen nga Elbasani, janë shumë emocionet dhe mbështetja e marrë nga nxënësit përgjatë rrugës së saj.
Teksa diagnostikohej me një sëmundje të rëndë, mësuesja e matematikës do të luftonte me mbështetjen e nxënësve të saj, për ta zgjidhur më së miri ekuacionin e jetës.
Por si ka ndryshuar “7 Marsi” ndër vite dhe po ashtu edhe figura e mësuesit?
Sfida e një mësuesi është që nxënësit të duan lëndën, për matematikën sfida dyfishohet. Por duket se Majlinda ka gjetur çelësin e artë përderisa nxënësit ndër vite vrapojnë për ta përqafuar nëpër korridore në “7 Marsin” e saj të 26-të.
