Gazetari Baton Haxhiu ka komentuar protestën e sotme të thirrur nga Presidenti Meta për mbrojtjen e Kushtetutës.
Ai ka thënë se Meta në fjalimin e sotëm është dukur më shumë si kryetar partie, ndërsa shton se kreu i shtetit e ka humbur ekuilibrin e të qenurit President.
Haxhiu është shprehur se është heshtja e opozitës ajo që e bën Presidentin të dalë më shumë në skenën politike.
“U duk si kryetar partie. Nuk përfaqësonte Presidentin.
E ka humbur ekuilibrin e të qenurit President.
Tubimi ishte motivues, kishte fraza që kishin të bënin me një njeri që është lodhur me postin e Presidentit.
Meta është një kafshë politike, në kuptimin politik të fjalës.
Heshtja e opozitës e bën atë që të dalë në skenën politike”, tha Baton Haxhiu në studion e Opinion.
