Një person është qëlluar me thikë në një lokal pas një sherri në lagjen ‘Bashkimi’ në qytetin bregdetar. Report Tv mëson se sherri ka ndodhur mes dy të moshuarve 65 dhe 77-vjeç. Dy personat kanë pasur konflikte të mëparshme dhe sot debatet kanë agravuar deri në përdorimin e thikës.
I plagosuri 77-vjeç është transportuar në spital pasi ka plagë në trupë nga goditjet me thikë nga 65-vjeçari. Policia ka nisur hetimet për ngjarjen duke shoqëruar dy persona deri tani. Report Tv sjell pamjet nga vendi i ngjarjes dhe rrethimin me shirit të perimetrit ku ndodhi ngjarja.
