Mediat britanike kanë zbuluar identitetin e biznesmenit që përhapi koronavirusin në Europë. Sipas “Daily Mail” ai është 53-vjeçari Steve Walsh, i cili ka infektuar 11 persona të tjerë në Europë.
Babai i dy fëmijëve ndodhet në karantinë dhe ndodhet jashtë rrezikut për jetë. Ai e mori koronavirusin gjatë një konference në Singapor në fund të muajit janar.
Duke folur nga spitali, ai tha në një deklaratë se: ‘Do të doja të falënderoja NHS për ndihmën dhe kujdesin e tyre ndërsa unë jam shëruar plotësisht, mendimet e mia janë për personat e tjerë që janë prekur koronavirus.
Sapo e dija se kisha qenë i ekspozuar ndaj një rasti të konfirmuar të koronavirusit, unë kontaktova GP, NHS 111 dhe Public Health England.
“Më këshilluan të qendroja në një dhomë të izoluar në spital, pavarësisht se nuk tregoja simptoma, dhe më pas u izolua në shtëpi siç udhëzohej nga mjekët.
Kur u konfirmua diagnoza, unë u dërgova në një njësi izolimi në spital, ku unë vazjdoj të qëndroj, dhe, si masë paraprake, nga familja ime u kërkua që të izolohen“, tha ai.
“Falënderoj gjithashtu miqtë, familjen dhe kolegët për mbështetjen e tyre gjatë javëve të fundit dhe i kërkoj mediave të respektojnë privatësinë tonë“, vazhdoi ai më tej.
Ndërkohë komisioni Kombëtar i Shëndetit në Kinë tha se edhe 108 njerëz kanë humbur jetën nga koronavirusi i ri, duke çuar në 1016 numrin e viktimave në këtë vend duke deklaruar një ‘kërcënim serioz dhe të menjëhershëm’:.
Sipas zyrtarëve, tani janë 42.638 raste të infektuara me koronavirus në gjithë territorin e Kinës. Jashtë Kinës janë raportuar 319 raste me koronavirus në 24 vende.
