Rudina Murataj 44-vjeçe banuese në Gjirokastër është arrestuar nga policia pasi mesditën e djeshme ka ushtruar dhunë fizike dhe psikologjike ndaj vajzës së saj 7-vjeçare me iniciale A.K. në ambientet e shkollës 9-vjeçare Naim Frashëri në prani të mësuesve.
Mësohet se 44-vjeçarja është e divorcuar nga bashëshorti me të cilin ka edhe një vajzë tjetër. Pak kohë më parë Rudina Hajdari kishte tentuar të mbytej në lumin Seman bashkë me dy vajzat e saj ndërkohë që i kishte vënë flakën edhe shtëpisë së burrit të saj të dytë për të cilin pretendonte se e dhunonte vazhdimisht.
Lidhur me kë ngjarje ajo u arrestua nga policia dhe u la në burg pa afat, ndërsa aktin e rëndë të tentativës së vetëmbytjes bashkë me vajzat e saj e justifkoi me deklaratën e rëndë se ishin të sajat dhe se mund të bënte me to çfarë të donte.
Vajzat u shpëtuan rastësisht nga një kalimtar i cili tregoi se kishte parë 44-vjeçare t’iu zhyste kokën në ujë vajzave të mitura, por ka mundur ta ndalë. Pas kësaj ngjarjeje dy të miturat u morën në mbrojtje dhe u transferuan në një institucion kujdesi në kryeqytet.
