Një shpërthim i fuqishëm me eksploziv ka tronditur lagjen ’11 Nëntori’ rreth orës 20:00 të mbrëmjes së sotme. Eksplozivi mësohet se është vendosur në vendin e quajtur “Spaikorre”. Nga shpërthimi nuk raportohet për persona të plagosur. Policia deklaron se shpërthimi nuk ka ardhur nga eksplozivi, por nga lëndë piroteknike (fishekzjarrë).
“Një sasi e vogël lënde piroteknike është hedhur dhe ka shpërthyer, ndërsa nuk ka dëme në njerëz as në objekte” njofton policisë. Burime nga policia pohojnë se shpërtimi ka ardhur nga një sasi eksplozivi, ndërsa zona është rrethuar nga forca të shumta policie, që kanë nisur hetimet për të zbardhur ngjarjen.
Shpërthimi me eksploziv vjen një ditë para vizitës së ministrit të Brendshëm Fatmir Xhafaj në qytetin e Elbasanit. Nesër Xhafaj do të prezantojë strukturën e re të policisë në Elbasan pas furtunës pas incidentit ku u godit makina e zv/ drejtorit në Shtator.
