Regjisori i njohur shqiptar Lorin Terezi është vlerësuar me çmimin e parë të festivalit të organizuar në Australi për filmat me metrazh të shkurtër.
Lorini ka arritur të fitojë çmimin “Best International Short Film” në kompeticionin e quajtur ‘Flickerfest Award’, ku kanë garuar regjisorë nga e gjithë bota së bashku me projektet e tyre kinematografike.
Vetë Terezi ka zgjedhur ta zbulojë këtë lajm në llogarinë e tij në “Instagram”.
“Sensacionale !!!
I lumtur të njoftoj që filmit të shkurtër nga Lorin Terezi i është dhënë Cmimi i Parë në Festivalin Ndërkombëtar të Filmit të Shkurtër, Flickerfest, Australi.
Është një shtesë e akreditimit zyrtar për të filluar garën e Oskareve 2021.
Sukses i mëdh për këtë bashkëprodhim të Shqipërisë dhe Spanjës në Premierën e saj Botërore”, ka shkruar regjisori shqiptar krahas fotos.
