Mbajti postin për 5 ditë por sot u detyrua të dorëhiqej nga posti i ministres në qeverinë e re pas zbulimeve të gazetës ‘Times of Malta’.
Silvio Valletta, ish-zv/shefi i policisë dhe pjesë në ekipin e hetuesve për vrasjen e gazetares investigative Daphne Caruana Galizia, u shfaq në një video bashkë me sipërmarrësin Yorgen Fenech duke ndjekur një ndeshje futbollit në Stamford Bridge. Fenech u padit zyrtarisht nga Tribunali i Valletta-s me tre akuza, komplot për të kryer tentat të organizuar dhe të financuar prej tij, bashkëpunim në vrasje dhe bashkëpunim në blerjen e eksplozivëve.
Caruana, e emëruar në kabinetin e ri të qeverisë Abela, vetëm javën e kaluar, tha në letrën e saj të dorëheqjes se ajo jep dorëheqjen pavarësisht se videoja nuk paraqet asnjë lidhje me aktin e vrasjes së gazetares.
‘Times’ gjithashtu publikoi videon që tregon ish-komisarin e policisë së Valletta-s në makinën Rolls Royce’ të Fenech, arrestimi i të cilit në muajin nëntor çoi në dorëheqjen e kryeministrit Muscat.
“Ky është shembulli që ne duam të japim – tha Kryeministri i ri Rober Abela për ministren e dorëhequr. Shpresoj që edhe lideri i opozitës Adrian Delia do të ndjekë shembullin tonë”.
