Nëntë armë zjarri, automatike model 56 që prej dy vitesh qëndronin në zyrën e shefit të komisariatit të këtij qyteti janë lëvizur nga pluhuri vetëm pak ditë më parë. Shefi i komisariatit Faik Ruko sapo ka konstatuar armët në zyrë ka njohur SHÇBA-në për të nisur hetimet.
Por si përfunduan armët në zyrën e shefit të komisariatit? Burime për Report Tv dhe Shqiptarja.com pohojnë se armët ishin mbledhur në kuadër të planit të çarmatimit, dorëzimit vullnetar në vitin 2017 nga aksionet në komunitet dhe mbaheshin në zyrën e sektorit të policimit për ilustrim.
Po sipas burimeve, ekzistojnë procesverbalet që armët kanë hyrë në komisariat konform rregullave. Hetimet do të vazhdojnë nga Shërbimi për Çështjet e Brendshme dhe Ankesat për të konfirmuar rastin nëse ka shkelje nga blutë apo kemi të bëjmë me një rast konform ligjeve të shtetit.
