Një zjarr ka përfshirë katin e dytë të një pallati në Elbasan, si pasojë e tij është lënduar një i moshuar i cili jetonte i vetëm.
Në sallën operative ka ardhur një telefonatë se në Lagjen “Beqir Dardha” në katin e dytë të një pallati ka rënë zjarr. Policia ka shkuar menjëherë në vendngjarje dhe nga veprimet e para hetimore konstatuan se; Në Lagjen “Beqir Dardha” në katin e dytë të një pallati, në banesën e shtetasit F.Zh., rreth 90 vjeç i cili jetonte i vetëm në banesë ka rënë zjarr.
Si pasojë e rënies së zjarrit është dëmtuar vetë 90 vjeçari i cili është dërguar menjëherë për ndihmë mjekësore në spitalin Kirurgjik Elbasan dhe ndodhet nën kujdesin e mjekëve. Shkak i rënies së zjarrit dyshohet të ketë qenë nga përdorimi pajisjes elektrike.
