Pasi ka punuar 30 vjet me radhë për ta bërë Shqipërinë një “fanar ndriçues”, tani udhëheqësi ynë më i madhi i krejtve, po mendon se si do të jetë vallë jeta jonë, në 100 vitet e ardhshme!
Ilir Meta është zgjuar sot shumë i shqetësuar dhe ka postuar një raport të OKB, i cili në skenarin e vet më pesimist, e sheh popullsinë e Shqipërisë në vitin 2100, më të vogël se çështë aktualisht.
“Kjo është sfida më madhore që kërkon urgjent dialog, zgjidhje, dhe kthimin e shpresës për të gjithë shqiptarët!”,- shkruan Presidenti i Republikës.
E bukura e gjithë kësa historie, është se liderët tanë mendojnë se shqiptarët nuk i shohin ata vetë si pjesë të problemit, por si të vetmen shpresë për zgjidhjen!
/Marrë nga Alfred Pez@blogu personal
