Dritë jeshile nga Dhoma e Përfaqësuesve e SHBA e kontrolluar nga Demokratët për të kufizuar fuqitë ligjore të Trump për të nisur luftë luftën kundër Iranit kaloi me 224 vota pro dhe 194 kundër.
Rezoluta tani do të duhet të kalojë në Senat me një shumicë republikane.
Tre deputetë republikanë votuan në favor të rezolutës, duke sfiduar Trump i cili i kishte kërkuar Partisë së tij që të refuzonte masën e propozuar nga demokratët.
“Shpresoj që të gjithë republikanët në Dhomë të votojnë kundër Rezolutës së Fuqive të Luftës e propozuar nga e çmendura Nancy Pelosi”, ka postuar në Twitter manjati mbrëmjen e djeshme, duke sulmuar kryetaren demokrate.
Gjithsesi rezoluta nuk kërkon nënshkrimin e presidentit dhe përgjithësisht konsiderohet jo detyruese. Demokratët, megjithatë, përmes Aktit të Fuqisë së Luftës e vitit 1973 që përcakton fuqitë e luftës besojnë se ky përfaqëson një rast të veçantë.
“Gjenerali iranian Qassem Soleimani i vrarë nga amerikanët në Irak dëshironte të vinte në shënjestër jo vetëm ambasadën amerikane në Bagdad, por edhe në qytete të tjera të botës”.- Kjo ishte deklarata e Presidenti Donald Trump gjatë një tubimi në Ohio, duke theksuar se me vdekjen e tij bota nuk është më nën terror.
Trump gjithashtu se SHBA ishin gati ti kundërpërgjigjeshin Iranit pas sulmit mbi dy bazat në Irak.
“Kur më thanë se ishin 16 raketa të lëshuara kundër dy bazave tona, ne ishim të gatshëm të vepronim. Pyeta se sa të vdekur dhe të plagosur ishin. Kur më thanë se asnjë vendosa të mos kundërpërgjigjeshim. Ne do të sulmonim jo se donim por na detyruan”- tha presidenti amerikan.
