Një argjendari ka rënë pre e grabitjes ditën e sotme në Korçë. Ngjarja në fjalë është regjistruar në orë 3 të mëngjesit në pedonalen e qytetit. Gazetarja Lorena Kodra raporton për ‘BalkanWeb’ se autorët, ende të paidentifikuar, kanë shqyer qepenin e argjendarisë dhe më pas kanë thyer xhamin e derës dhe janë futur brenda.
Pasi kanë grabitur sende me vlerë, ata janë larguar nga vendi i ngjarjes.
Deri më tani nuk dihet dëmi i shkaktuar nga vjedhja, ndërkohë që policia ndodhet në vendin e ngjarjes, ndërsa vijon puna për identifikimin dhe arrestimin e autorëve.
