Një ngjarje e rëndë ndodhi në Poliklinikën e Patosit, ku një gardian i burgut të Fierit ka qëlluar me armën e shërbimit duke lënë të vdekur dy persona, njëri prej të cilëve gjeti vdekjen në vend, ndërsa tjetri ndërroi jetë në spitalin e Fierit. Policia mundi të arrestojë në kohë rekord autorin e ngjarjes, efektivin e burgjeve Martin Skëndaj si dhe sekuestroi armën e zjarrit.
Martin Skëndaj ka qëlluar me armë zjarri në ambientet e Poliklinikës së Patosit, duke lënë të vdekur Elis Kapajn 22 vjeç, ndërsa Manol Rrapaj 26 vjeç, nuk mundi t’i mbijetoi plagëve të marra dhe ndërroi jetë në spital. Të dy viktimat janë nga Patosi, banues në fshatrat Kashisht dhe Kuqa.
Vrasja e sotme e gardianit me armën e shërbimit nuk është rast i vetëm. AlpeNews.al ju sjell disa nga krimet të gardiane, policë, punonjës të SHIK të cilët kanë vrarë me armën e shërbimit.
Çfarë ndodhi sot në Patos:
Martin Skëndaj ka qëlluar me armë zjarri në ambientet e Poliklinikës së Patosit, duke lënë të vdekur Elis Kapajn 22 vjeç, ndërsa Manol Rrapaj 26 vjeç, nuk mundi t’i mbijetoi plagëve të marra dhe ndërroi jetë në spital.
10 tetor 2019: Punonjësi i burgut në Durrës Bledar Toçi pas një konflikti për drogë vret me armën e shërbimit Dritan Hoxhollin në shtëpinë e Marsida Qatjas.
12 shkurt 2019: Punonjësi i gardës Alket Arapi 44 vjeç vrau me armë e shërbimit bashkëshorten e tij. Gardisti e qëlloi tre herë me armën e shërbimit gruan e tij duke e lënë të vdekur në vend.
24 maj 2018: Kastriot Favaj i jep fund jetës së tij me armën e shërbimit, pak pasi kishte përfunduar turnin
2 Tetor 2018: Ariol Mançe punonjës I gardës së Shqipërisë vrau veten në ambjentet e Gardës se Republikes. 30-vjeçari nga Përmeti po kryente shërbimin pranë hyrjes dytësore të institucionit.
12 maj 2017: Peranxhela Shahini e policisë vret veten me armën e shërbimit, shkak ishte ndarja nga i dashuri.
7 prill 2016: Admir Dervishi, i cili qëlloi për vdekje me armën e shërbimit bashkëshorten e tij 28 vjece. Krimi ndodhi në sy të dy fëmijëve të mitur, djalit 4 vjec dhe foshnjes 10 muajshe.
12 gusht 2016: Jeroldina Iljazi inspektorja 23-vjeçare e policisë së Sarandës vrau veten me armën e shërbimit në banesë.
/AlpeNews.al
