Kryeministri Rama ka qenë mesditën e sotme në Shijak, ku ka parë nga afër gjithë dëmet që shkaktoi tërmeti tragjik i 26 nëntorit.
“20 pallate të vjetra të kohës së komunizmit, ku edhe shtesat e hapjet e mureve të katit të parë për dyqane e për kafenera me moton “Liri-Demokraci/ Ndërtimi pa leje sjell begati!” kanë bërë dëmin e tyre, janë në kushte teknike të rënda”-tha Rama, duke u takuar me banorë e teksa ka dëgjuar shqetësimet e tyre.
Nuk kanë munguar batutat e shkëmbyera mes tij e banorëve, ndërkohe që gratë që e kanë takuar nuk i kanë kursyer lavdet e madje edhe puthjet.
I tillë ishte edhe rasti me një grua, këtë që shihni në video, që më parë, teksa Rama sqaronte një nga banorët i prekte dorën. Më pas, nuk nguroi t’i kërkonte leje për ta përqafuar.
“Avash se me myte, shih ç’më bone, je ly sot gjithë ditën dhe ma hudhe gjithë suvanë mu tani”- tha Rama, teksa pastronte pardesynë e zëzë që iu bë gjithë make up.
Më tej, një grua i thërriste nga ballkoni i shtëpisë, duke i kërkuar të vinte të shihte dëmet që i janë bërë. “Eja shiko si jemi, kam ardhur nga Italia”.
Rama ia ktheu: O vdeksha unë për ty, mos ki merak, por kujdes se mos na bish e do thonë e rrëzoi Rama.
#TiNukDoJeshKurrëVetëm😢👐🏿🇦🇱Shijak – 20 pallate të vjetra të kohës së komunizmit, ku edhe shtesat e hapjet e mureve të katit të parë për dyqane e për kafenera me moton “Liri-Demokraci/ Ndërtimi pa leje sjell begati!” kanë bërë dëmin e tyre, janë në kushte teknike të rënda☹️ Pas përfundimit të inspektimeve brenda kësaj jave, do të merret vendimi për të ardhmen e tyre, ndërkohë që për të gjithë banorët është vënë në dispozicion fondi për marrjen me qera të një banese të përkohshme🤗https://e-albania.al/dhuro/
Gepostet von Edi Rama am Dienstag, 10. Dezember 2019
