Drejtori i Ndërtimit të Mirëmbajtjes pranë ARRSH Erion Koka në një lidhje të drejtpërdrejtë me “News 24” deklaroi se si rrjedhojë e tërmetit që tronditi vendin, te Mbikalimi i Shkozetit ka pasur krisje.
Koka theksoi se ARRSH ka marrë masa dhe se nuk kemi të bëjmë me një dëmtim serioz. Sipas tij, janë inspektuar të gjitha rrugët dhe urat në Shqipëri e se ata janë të sigurta.
“Nuk ka pasur dëme në ura e mbikalime. Te mbikalimi në Shkozet ka një krisje, jo dëmtime serioze. Ne bëjmë inspektime në nmënyrë të vazhdueshme. Kalimi në të gjitha mbikalimet dhe rrugët e Shqipërisë është pa problem.
Ne ishim personalisht te Rruga e Dajlanit, konstatuam elementin që ishte shqetësuar për qytetarët dhe u morën menjëherë masat e duhura. Në ditët në vazhdim do ta shikojmë edhe atë. Në rastin kur ka probleme, ne bashkëpunojmë me Policinë Rrogure dhe bëjmë devijim të kalimit”, deklaroi Koka.
