Mobilizimi i qytetarëve të Kosovës për të dhuruar ndihma për të prekurit nga tërmeti ka qenë maksimal.
Në vazhdën e këtij aksioni, moderator Alaudin Hamiti ka vendosur që emisionin e tij mbrëmjen e djeshme t’ia dedikojë tërësisht mbledhjes së parave dhe ndihmave për t’i dërguar më pas në Shqipëri.
Çasti më emocionues ka qenë kur një zonjë e sëmurë me kancer ka dhuruar 50 euro ndihmë.
Kjo ka bërë që vetë moderator dhe të pranishmit në studio të emocionohen pa masë duke derdhur edhe lot në transmetimin live.
