Teksa të gjithë e kanë pasur mendjen të dalin e të shpëtojnë kokat teksa ka rënë tërmeti i fuqishëm që shkundi një pjesë të mirë të vendit tonë, puna në spitale vijon si normalisht. Gratë shtatzënë dhe mjekët që janë dashur t’u qëndrojnë pranë, janë ata që kanë pësuar tronditjen më të madhe, por edhe gëzim e emocione të forta.
Tronditje pasi u duhej të rrinin brenda ambienteve të spitalit, të shikonin vendin si u dridhej nën këmbë, e emocione për foshnjat e ardhura në jetë.
Kështu, mjekja gjinekologe, Anika Dokle, ka treguar simbolikën më të mirë të vijimësisë së jetës. Ajo shprehet përmes një statusi në Facebook se 20 minuta pas tërmetit të fuqishëm, në jetë kanë ardhur këta dy bukuroshë binjakë.
Dokle shkruan:
Unë dhe shokët e mi edhe këtë herë në maternitet. Këta bebusha binjakë lindën 20 minuta pas tërmetit. Kjo është simbolika më e mirë e vijimësisë së jetës. Nuk kam më fjalë!”
Unë dhe shokët e mi edhe këtë herë në maternitet. Këta bebusha binjakë lindën 20 minuta pas tërmetit. Kjo është simbolika më e mirë e vijimësisë së jetës. Nuk kam më fjalë! ❤❤
Gepostet von Anika N. Dokle am Montag, 25. November 2019
