Arrestohet në SHBA, Ruhan Hiraj 20-vjeçari nga Lazarati, një prej autorëve të vrasjes së oficerit të RENEA-s Ibrahim Basha, në 24 Qershor 2015 në Lazarat, në një operacion për arrestimin e disa personave të cilët kishin hapur zjarr ndaj patrullave të policisë.
Autori me dy emra, hyri ilegalisht në SHBA
Ruhan Hiraj, 20-vjeç, autor i dyshuar i vrasjes së oficerit të RENEA në Lazarat, Ibrahim Basha, fshihej në SHBA me emrin Sandri Hiraj. Ai kishte hyrë dhe qëndronte ilegalisht në SHBA dhe për më shumë se dy vite iu fsheh autoriteteve. Hiraj u ndalua nga autoritetet amerikane si emigrant ilegal. Pas ndalimit, Interpol Tirana i dërgoi autoriteteve amerikane shenjat e gishtave dhe të dhëna të tjerë për identitetin e të ndaluarit. Përgjigjja që dhanë autoritetet amerikane bindën policinë shqiptare se personi që fshihej me identitetin e rremë Sandri Hiraj ishte Ruhan Hiraj, i shpallur në kërkim ndërkombëtar për vrasjen e efektivit të RENEA-s.
