Dy shqiptarë janë dënuar në Itali me nga 3.4 vite burg, pasi 6 vite më parë tentuan që të përdhunojnë një grua ukrainase me kastravec dhe më pas ta filmonin me celular për t’u tallur. Por gruaja arriti që t’u shpëtonte nga duart duke dalë nga shtëpia për t’i kallëzuar më pas në rajonin e policisë së Ternit. Dy shqiptarët që janë dënuar janë një 32 vjeçar dhe një 26 vjeçar.
Vendimi është dhënë në datë 12 nëntor, ndërsa shqiptarët u dëmtuan për tentativë përdhunimi. Por si rrodhi historia? Mediat italiane shkruajnë se 53-vjeçarja nga Ukraina që punonte si një kujdestare në Terni kishte pranuar që fuste në shtëpi shqiptarët për të ndarë qiranë, por pa menduar se fundi do të ishte i tillë. Pas disa muajsh shqiptarët filluan që ta tallnin dhe ta keqtrajtonin dhe më pas e morën me forcë duke tentuar që ta përdhunonin me një kastravec, ndërsa skenën po e filmonin, por ky veprim u kushto nga 3.4 vite burg.
