Të shtëna me armë zjarri janë regjistruar paraditen e sotme në Elbasan. Rpeort Tv mësoi i është bërë atentat fisit Çapja në Elbasan, ndërsa autorët kanë djegur mjetin e tyre, pas atentatit me armë zjarri.
Policia ka mbërritur në vendin e ngjarjes dhe po punon për të zbardhur shkaqet e djegies së mjetit. Mjeti dyshohet të jetë me targa të falsifikuara, AA616 AB pasi mjetin me keto targa e disponon pronari.
Sakaq nuk dihet objektivi i sulmit, por nuk ka persona të lënduar.
FOTO/ Shkrumbohet Fuoristrada në Elbasan, shpërthimi me tritol
Një makinë Fiat tip furositradë është shkrumbuar sot në qytetin e Elbasanit. Dyshohet që makina të ketë shpërthyer nga një sasi tritoli.
Nga informacionet paraprake, dyshohet që mjetit t’i jetë vënë një sasi lëndë plasëse, tritol, duke e hedhur në erë. Ndërkohë, ngjarja ka ndodhur në lagjen ‘5 Maji’ dhe dyshohet të jetë e qëllimshme.
Policia ka mbërritur në vendin e ngjarjes dhe po punon për të zbardhur shkaqet e djegies së mjetit.
Njoftimi i policisë:
Më datë 23.12.2017 rreth orës 09:05 në sallën operative ka ardhur një telefonatë për të shtëna me armë në Lagjen “Emin Matraxhiu”. Forca të shumta policie dhe grupi hetimor kanë shkuar menjëherë në vendngjarje dhe nga veprimet e para hetimore kanë konstatuar se: Në Lagjen “Emin Matraxhiu” në një rrugicë persona të paidentifikuar dyshohen të kenë qëlluar me armë zjarri në drejtim të Capajve.
Më pas në Lagjen “5 Maji” është gjetur i djegur tërësisht një mjet tip “BMW” me targa të dyshuara të falsifikuara. Shërbimet e policisë po punojnë për zbardhjen e plotë të rrethanave të ngjarjes, identifikimin dhe kapjen e autorit/ve
