Presidenti Meta këtë të shtunë ka postuar një status të gjatë për gjendjen e mjerueshme, siç thotë ai, të medias në vend.
Por teksa shkruan se mes gazetarëve ka censurë dhe autocensurë, Presidenti Meta shton se “shumë portale në të zezë e kanë ngritur “Fake News” në sistem, duke u vënë në shërbim të shtetit të propagandës”.
Por përse nuk flet Presidenti Meta me emra konkretë portalesh që raportojnë “Fake News”?!
A është Syri.net njëri prej tyre?!
Ndalemi tek portali Syri.net, për dy arsye specifike: E para, për “superlajmin” që la me qindra, ndoshta mijëra persona, jashtë shtëpisë nga tërmeti apokaliptik që do të binte fiks në orën 22:30. Një “Fake News” që ka shumë dritëhije, por të mos ndalemi vetëm këtu.
E dyta, për burimet e financimi të këtij portali që është regjistruar si një organizatë jofitimprurëse në Gjykatën e Tiranës. Nuk janë të pakta rastet, kur Çim Peka ka postuar foto nga pushimet, apo drekat e darkat me Presidentin Meta, apo edhe postimet që ka bërë ky i fundit.
Ndoshta Presidenti Meta duhet ta ketë pyetur se nga i gjen lekët Çim Peka për të mbajtur në këmbë një ushtri me punonjës. Pra, cili është burimi i të ardhurave të Syri.Net kur nuk ka asnjë reklamë në faqen e saj që mund të justifikojë rrogat e gazetarëve.
Për këtë arsye, Presidenti i Republikës përpara se të flasë për portale të errëta, t’i bëjë me dije publikut se si financohet portali dhe tashmë televizioni i mikut të tij, Çim Peka.
Këtu mund të shtojmë edhe faktet se Ilir Meta, intervistat ekskluzive i jep pikërisht në këtë portal, për të cilin burimet e financimit janë të panjohura./Shqip
