Në takimin midis kryeministrit të Shqipërisë, Edi Rama dhe atij grek, Kyriakos Mitsotakis janë diskutuar të gjitha çështjet bilaterale.
Kështu e nis artikullin gazeta e njohur greke, “Kathimerini”, sipas të cilës Edi Rama thuhet se ka thënë se përkundër zhgënjimit të vendit të tij nga vendimi i Këshillit Evropian për të mos filluar negociatat e pranimit me BE, Shqipëria do të vazhdojë të ndjekë reformat.
Gjithashtu, Rama mësohet të ketë thënë se është në interesin e vetë Shqipërisë për të përmirësuar marrëdhëniet me Greqinë duke adresuar të gjitha çështjet bilaterale dhe forcimin e bashkëpunimit dypalësh.
Kryeministri grek ka theksuar Greqia mbështet perspektivën evropiane të vendeve të Ballkanit Perëndimor, për sa kohë që këto vende plotësojnë kërkesat e pranimit. Ai gjithashtu përshëndeti angazhimin e palës shqiptare për të ecur përpara me çështjet që lidhen me pronën dhe inventarin e tyre, të cilat janë çështje me rëndësi thelbësore për pakicën etnike greke në Shqipëri.
Për më tepër, Kryeministri Mitsotakis vuri në dukje se marrëveshja dypalëshe për lejet e drejtimit së shpejti do të ratifikohej nga Parlamenti grek dhe pranoi ftesën e Kryeministrit shqiptar për të vizituar Shqipërinë herën tjetër.
