Lajmi se Lulzim Basha, kreu i PD ka ndërruar banesë duke shkuar në një zonë periferike në kryeqytet, në rezidencat luksoze të Long Hill bëri bujë ditën e djeshme. Pas kesaj PD u justifikua se zhvendosja u bë për shkak të ndërhyrjeve në banesë nga pasojat e tërmetit.
Por në bashkinë e Tiranës, në njësinë nr 2, zyra e urbanistikës konfirmon se nga pallati ku banonte Lulzim Basha, ngjitur me “Juvenilja Castelo” nuk raportohet nga asnjë banor ndonjë dëm në pallat. E për më tepër, në zyrën urbanistike në bashkinë e Tiranës nuk është marrë asnjë leje rikonstruksioni nga ana e Lulzim Bashës për kryerje punimesh në shtëpinë ekzistuese. Nuk dihet nëse shtëpia e kreut të opozitës është dëmtuar vërtet nga tërmeti i 21 shtatorit të këtij viti që ra në kryeqytet dhe që shkaktoi jo pak dëme nëpër banesa, raporton newsbomb.al.
Bashkia vuri në dispozicion numra emergjence për të raportuar për të gjitha demtimet që kanë ndodhur në banesa, biznese, apo objekte të tjera.
Deklarata e PD pohon zhvendosjen e kreut të PD Basha në këtë rezidencë me qira, përkohësisht, por deri tani, nuk është bërë publike kontrata e qirasë dhe nuk është deklaruar se kur pretendohet të kthehet në shtëpinë e tij me dy kate në pallatin ngjitur me liqenin artificial në Tiranë.
VILA:
