Një shqiptar në gjendje të dehur në bashkëpunim me një person tjetër, kanë rrahur për vdekje një mësuese në pension.
Ngjarja ndodhi rreth orës 10 të mbrëmjes së djeshme në Tolfa, një fshat kodrinor rreth shtatëdhjetë kilometra në veri të Romës.
Diva Compagnucci ishte e njohur në fshat për mësimdhënie.
91-vjeçarja u gjet e pajetë në shtëpinë e saj.
Sipas policisë, dyshohet për një grabitje që përfundoi keq. Kriminelët kishin hyrë në shtëpi duke menduar se nuk kishte njeri.
Gruaja e moshuar ishte e pranishme dhe hajdutët e sulmuan që të mos ulërinte dhe të tërhiqte vëmendjen e fqinjëve, duke e rrahur dhunshëm deri në vdekje.
Sipas mediave të huaja, personi i arrestuar është me origjinë shqiptare dhe ka jetuar në qytetin kodrinor 70 kilometra larg Romës për shumë vite.
Në kërkim është vënë personi tjetër që ka bashkëpunuar me shqiptarin dhe policia po heton më thellësisht çështjen.
