Rektori i Kolegjit Universitar “Luarasi”, Prof.Dr.Ethem Ruka, flet mbi zhvillimet më të fundit të shkencës, në ato fusha që zgjojnë kureshtjen e njerëzve. I ftuar në emisionin “Studio e Hapur” me Eni Vasilin në “News24”, ish-ministri i Arsimit është ndalur tek shkenca e nanoteknologjisë dhe tek ajo e bioteknologjisë. Profesor Ruka theksoi se shpikjet e reja në këto shkenca ndihmojë në gjetjen e mundësive të reja për të përmirësuar jetën e njeriut.
Më tej, profesor Ruka tha se me ruajtjen e qelizave staminale mund të shërohen shumë sëmundje që mund të prekin një person.
Sakaq, ai ka folur edhe mbi eksperiencën e tij në Kolegjin Universitar “Luarasi”.
“Ndihem shumë mirë si rektor. I jam përgjigjur pozitivisht pasi është një institucion i ndërtuar mbi themele shumë të shëndetshme dhe në këto 15 vite ka pasur një evolucion të madh, i mbështetur tërësisht tek ligjim, ka patur një staf akademik shumë të mirë, dhe ka dhënë i diplomave të merituara. Jam i lumtur që kam gjetur një mjedis të mrekullueshëm. Vlerësimi nga MAS, nga ekspertët ndërkombëtarë, ishte maksimal, çka do të thotë se Kolegji Universitar “Luarasi” ka vlera të mëdha”, u shpreh Prof.Dr.Ethem Ruka.
