Prokuroria e Elbasanit ka marrë të pandehur mjekun Ardian Kadefçiu, i cili ndoqi shtatëzaninë e Rexhina Debrovës.
Rexhina Debrova është 25-vjeçarja e cila ndërroi jetë pas lindjes në maternitetin e Elbasanit.
Familjarët e 25 vjeçares hedhin akuza në drejtim të mjekëve, që sipas tyre janë treguar të pakujdesshëm.
Nga rezultatet përfundimtare të autopsisë, vdekja pas lindjes cezeriane e 25 vjeçares ka ardhur nga Koagulimi.
Koagulimi është një mpiksje gjaku, e cila e bën këtë të fundit të trashë deri sa thahet përfundimisht.
Për pasojë nga mpiksja e gjakut është bllokuar një nga venat kryesore që çon gjakun në mushkëri, duke shkaktuar vdekjen e menjëhershme.
